Zaninah Beckenbauer chawimawi dawn

Euro 2024 opening ceremony-ah Germany football legend Franz Beckenbauer chawimawi a ni dawn. Zanin hian Beckenbauer-a nupui Heidi bakah Euro champion ṭuma captain Bernard Dietz leh Jurgen Klinsmann ten Euro C'ship nomawi 'Henri Delaunay Cup' hi an rawn chawi chhuak ang.

UEFA chuan, "Germany-in Euro nomawi ṭum thum an chawi tawh chu an rawn pholang ang," tiin thuchhuah an siam. Germany hi kum 1972, 1980 leh 1996 te khan an champion tawh a ni.

Beckenbauer hi German footballer piang tawh zinga ropui bera chhal ngam a ni a, kum 1972 khan a captain-na hnuaiah Germany hi Euro C'ship-ah a champion pui a, World Cup 1972-ah a champion pui lehin 1990 World Cup-ah a manager-na hnuaiah Germany a champion pui leh bawk.

Kumin January 7 khan Beckenbauer hi a thi a, zanin hian sulhnu ropui leh ṭhahnem tak a hnutchhiahna hmun Allianz Arena-ah chawimawi a ni ang.