MTTA-in Navichandra Mehta lo lawm

Mizoram Sports Conclave hmanga lo kal - Table Tennis Federation of India Secretary General Kamlesh Navichandra Mehta chu Mizoram Table Tennis Association ten an lo dawngsawng a, amah lawmna hun an lo buatsaih.

MTTA hruaitute hian Lengpuia an lo hmuah bakah MTT Hall, Kawltheihuan, Mission Vengah lawmna hun hman niin, he hunah hian MTTA hruaitute leh player eng emawzahin an thiam thil entirna hun 'Skills Demonstration Show' an nei bawk.

Kamlesh Mehta hi a vanglai chuan India rama TT thiam filawr bik a ni a, national champion pawh ṭum riat ni thei a ni. India rama infiammite chawimawina sang bik Arjuna Award lo dawng tawh a ni bawk.