Terzic-a'n Dortmund a chhuahsan

Champions League-a Borussia Dortmund final thlenpuitu coach Edin Terzic chuan Signal Iduna Park a chhuahsan tur thu nimin khan a sawi.

Kum 41 mi Terzic huan, "Duh tak Borussians, rilru na taka kan awm lai ni mah se BVB ka chhuah tur thu hi ka hriattir a che u. DFB Pokal nomawi kan chawi bakah UCL final kan thleng thei hi ka inchhuang hle.

"Wembley-a final kan khelh zawh khan club thuneitute nen kan inbia a, kum 10 chhung BVB-a ka awm hnuin season tharah chuan mi tharin hruai tawh se ka ti," tiin chhuak tura thutlukna a siam thu a sawi.

Terzic hi BVB coaching team-ah kum nga a awm a, head coach angin kum hnih leh a chanve a awm bawk. UCL final thlenpuitu coach a nih avangin club enkawl tur a van lo ang.