Netherlands squad-ah Zirkzee an koh belh

Euro 2024 khel tur Netherlands chuan Bologna striker Joshua Zirkzee an koh belh a, season duhawm tak hmangtu Zirzkee hma hian Chelsea defender Ian Maatsen chu squad-ah koh belh a lo ni tawh bawk.

Ronald Koeman enkawl Netherlands hian hliam vangin Barcelona midfielder Frenkie de Jong leh Atalanta midfielder Teun Koopmeiners te an chhawr thei dawn lo a, player pahnih hi squad aṭangin an inhnukdawk.

Barcelona boss hlui Koeman hian player pahnih inhliam hnuah Maatsen a lo ko tawh a, player dang koh belh a tum loh thu a sawi. Mahse, Ajax striker Brian Brobbey chu Nilaini khan hliam tenau a nei ve leh a, Koeman hian player dang koh belh loh ngawt chu a zuam ta lo niin a lang.

Kum 23 mi Zirkzee hian season hman zawh takah khan Bolgona tan match 37 khelin, goal 12 a khung a, assist vawi sarih a nei bawk. Mahse, Netherlands tan a la inlan ngai lo a, Euro-ah hian a inlan a nih chuan ram tana a match hmasa ber a khel dawn tihna a ni.

Zirkzee hian vawiinah Netherlands squad hi a zawm dawn a, Koeman-a enkawl team hian Pathianni zan dar 6:30-ah Poland nen an match hmasa ber khelin, an group-ah hian France leh Austria an awm bawk - a awlsam lo ang.