Benjamin Sesko awmna Slovenia

Pathianni zan dar 9:30-ah Slovenia leh Denmark ten Euro 2024-a an match hmasa an khel dawn, ram pahnih hian player en châkawm tak an kawl ve ve a, inkhel pawh a hmuhnawm ngei ang.

Benjamin Sesko hming hi nipui bazar boruak siamtu a ni - Arsenal leh Chelsea te hel lai hian RB Leipzig tan contarct a ziak thar leh zawk dawn tih a ni a, a inkhel lai la hmu tam lo tan pawh tun ṭum hi lo chikna hun ṭha a ni ang.

Kum hnih hnuah Josip Ilicic hu koh a ni leh bawk a, a khel tam lo a nih pawhin a inlan a rinawm. Si ban nghak turin Jan Oblak an nei - Atletico Madrid goalkeeper aia duhthlan tur dang hi ram dangin an nei bikin a rinawm loh.

Denmark lam pawhin sawi tur an ngah - Manchester United striker Rasmus Hojlund kawltu an ni a, tun season-a goal 16 khungtu hi club lama amah chawmtu Christian Eriksen bawkin a chawm thei dawn.

Euro 2020 khan Eriksen hi inkhelh laklawh laiin lungphu chawl vangin a tlu, enkawl dam niin ṭha takin a inkhel leh thei dawn a, Euro an khelh leh dawn takah chuan an rilru pawh a thar leh ngeiin a rinawm.

Player an neih dan thlir chuan Group C aṭangin England chu buk rit an ni a, chuvangin Three Lions elphak emaw an hnung chiaha awm emaw thei turin Denmark leh Slovenia te inkhel hi a pawimawh thei dawn a ni.