Copa America champion kan tum - Messi

Lionel Messi chuan Argentina tan Copa America title pet chhuah leh ngei an tum tih a sawi a, inbuatsaihna an neih hnuhnung berah goal hnih khungin tournament tak khelh a châk tawh khawp ang.

Inrinni zing khan world champion hian Maryland-ah Guatemala an hmachhawn a, 4-1 in an sawp. Inkhelah hian Messi leh Lautaro Martinez ten goal hnih ve ve an khung a, defender Lisandro Martinez chuan anmahni lamah a tilut palh thung.

Argentina captain Messi hian penalty chu Martinez a kian a, hei bakah hian Inter Milan striker Martinez khung tur chu ṭha takin a siamsak bawk, team boruak a fuh chho hle a ni.

Messi chuan, "Tournament kan khel a nih chuan champion tumin kan inlan tur a ni a, tun ṭumah pawh hian chumi tur chuan kan inpeihin kan phur tawh takzet bawk.

"Copa America leh World Cup kan khelh zawh khan inelna dang hmachhawn leh tur hian kan inbuatsaih a, tun ṭumah pawh inbuatsaihna kan nei ṭhain nomawi chawi leh ngei kan tum dawn a ni.

"Champion hi thil awlsam a ni lo a, tournament hnuhnung apiang hi a harsa zel emaw tih mai tur a ni, chutihrualin keini pawhin inbuatsaihna hautak zawk kan nei ve bawk," a ti.

South America ramte football hmanga inelna Copa America hi June 20 aṭanga July 14 chhungin an khel dawn. Champion lai Argentina hi Canada, Chile leh Peru te nen group khatah an awmkhawm.

Argentina squad:

Goalkeeper: Franco Armani (River Plate), Geronimo Rulli (Ajax), Emiliano Martinez (Aston Villa).

Defender: Gonzalo Montiel (Nottingham Forest), Nahuel Molina (Atletico Madrid), Cristian Romero (Tottenham), German Pezzella (Real Betis), Lucas M. Quarta (Fiorentina), Nicolas Otamendi (Benfica), Lisandro Martinez (Manchester United), Marcos Acuna (Sevilla), Nicolas Tagliafico (Lyon).

Midfielder: Guido Rodriguez (Real Betis), Leandro Paredes (Roma), Alexis Mac Allister (Liverpool), Rodrigo De Paul (Atletico Madrid), Exequiel Palacios (Bayer Leverkusen), Enzo Fernandez (Chelsea), Giovani Lo Celso (Tottenham).

Forward: Angel Di Maria (Benfica), Valentin Carboni (Monza), Lionel Messi (Inter Miami), Alejandro Garnacho (Manchester United), Nicolas Gonzalez (Fiorentina), Lautaro Martinez (Inter), Julian Alvarez (Manchester City).