Dortmund chhuahsantu Hummels

Mats Hummels chuan kum 13 chhung a lo chenchilh tawh Borussia Dortmund a mangṭha ve ta - German club tan hian ṭum hnih hun a hman chhungin match 508 chuang a khelhsak hman a ni.

Kum 35 mi Hummels hian kum 2012 khan Dortmund hi Champions League final a thlen pui a, a hnu lamah Bayern Munich a zawm - Dortmund lamah bawk kir lehin kumin khan UCL final a thlenpui leh bawk.

German defender Hummels chuan, "Dortmund ka zawm hmasa kha kum 2008 a ni a, khatih lai khan Bundesliga table-ah 13-na an ni a, tuna kan dinhmun leh thlen chin ngaihtuah chuan a lawmawm ka ti hle," a ti.

Dortmund tan hian Bundesliga title vawi hnih a chawi a, Bayern Munich tana a khelh laiin league title hi vawi thum a lakpui bawk - Germany chu World Cup 2014 khan hlawhtlinna chanpuiin football zinkawng ngaihnawm tak a ziak a ni.