Bentancur-a'n ngaihdam a dil

Tottenham Hotspur midfielder Rodrigo Bentancur chuan an captain Son Heung-min lakah ngaihdam a dil, ngaihdam a dil chhan hi Uruguay rama TV interview a neih laiin chi inthliarna lam ṭawngkam a lo hman zauh vang a ni.

Canal 10 show Por La Camiseta-ah Bentancur hi a inlan a, host Rafa Cotelo chuan Spurs player hrang hrangte jersey a neih leh duh dan chungchang zawhna chu, "Sonny maw, anni ho chu an hmel a inang vek maiin ka hria," a ti zauh.

South Korean tlangval Son-a hi a hnampui khawchhak lam mite nen an hmel leh pianphung a inang deuh vek ni maia a hriat thu a sawi a, he a thusawi lai hi la chhuakin social media lamah a darh leh nasa hle a ni.

Bentancur chuan, "Unaupa Sonny, thil thleng avang khan min ngaidam rawh - kha chu fiamthu mai a ni. Ka ngaina che a, zah lo leh mawi lo takin i chungah ka che ngai lo tih i hria e," a ti.

Son leh Bentancur te hi kum 2022 January thla aṭang khan an khel dun tawh. Tunah chaun Bentancur hi Copa America khel turin a inbuatsaih mek a ni.