I League khel tur zawn chhunzawm dawn

Hero I League qualifier chu vawiinah khelh chhunzawm a ni dawn a, chhun dar 12:30-ah match hnih khelh tawha chak la nei lo Garhwal chuan Bhawanipore an hmachhawn ang a, tlai dar 4:30-ah Bengaluru United leh Ara FC an inkhel thung ang. 

Bhawanipore hian an match hmasa berah Bengaluru United chu harsatna nei loa an hneh avangin Garhwal hneh theih an inbeisei ang a, Mohammedan SC laka 4-1 a mualpho hlim Ara FC tan beisei tihsan a harsa. Inelnaah hian team nga an awm avangin tun round-ah hian Mizo tlangval Vanlalbiaa Chhangte telna Mohammedan an awl ang.