Ibra a ṭha mah mah!

Manchester United nena sawi zawm hlawh mek Zlatan Ibrahimovic chuan a chawr chhuahna Malmo lama kir leh tur anga sawi awm chung-changah Swedish League-a khel tur chuan a la ṭhat mah mah thu a sawi!

Season hman zawh taka goal 50 khungtu striker hian Sweden-a press conference-a hma-chhawnnaah, "Malmo hi ka hmangaih a, he club tana khelh leh hi ka châk a ni. Malmo tan hian ka la khelh leh ngei ka beisei a, chu hun chu dawhthei taka lo nghak turin ka duh che u a ni," tiin a lo sawi tawh a, tun nipui transfer-ah a club hluiah hian kir leh tur anga sawi thawm a awm hman.

Kum 34-a upa striker chuan, "In duh duh lo ziak phawt ula, thawnthu chu lo phuah zel rawh u. Heng zawng zawng hi ka nin tawpkhawkah ka kalna tur chu ka hrilh ang che u," tiin thuthar thehdarhtute hnenah a sawi a ni.

Sweden captain hian kum kum 1996 khan Malmo-ah hian bul ṭanin 2004 thleng a cham a, Ajax, Juventus, Inter Milan, Barcelona, AC Milan leh PSG-ah te khel kual lehin club nei loin a awm mek.