Copa-ah extra time awm dawn lo

Copa America Centenario chu Inrinni zing dar 7:00 AM hian a thlengtu USA leh Colombia ten match hmasa ber an khel tawh dawn a, kawvela ram leh ram football inelna upa berah hian extra time khelh a ni dawn lo.

Copa America-ah hian team 16 an inlan dawn a, group paliah ṭhen hran niin league round-a an inkhelh kual hnuah a sang pahnih zelin quarterfinal an lut dawn. Football inelna dangah chuan a tlangpui thuin knock out stage chinah chuan hun pangngaia an inhnehtawk a nih chuan extra time khelh ṭhin a ni a, Copa-ah erawh he dan hi ṭum danga an lo tih tawh angin final-ah chauh hman a ni dawn a ni.