Atletico-a luh chak Cavani

Uruguay international Edinson Cavani chuan Copa America an khelh turah rilru pek a duh thu sawi mah se Champions League finalist Atletico Madrid lama kal a rilruk thu a sawi chhuak.

Paris Saint-Germain forward hian season thum chhung chu Ligue 1 lamah hun hmang tawhin French club tan hian vawi 148 inlanah goal 81 a khung tawh. Hetihrual hian PSG chuan striker Zlatan Ibrahimovic chu contract zawh vanga an chan tawh avangin Uruguayan striker hi awlsam taka chhuahtir an phalin a rinawm loh.

Mahse, Cavani chuan, "Atletico hi team ṭha tak, an khelh dan kalhmang thlira ka ngainat em em an ni a, he club hi ka la zawm lo ang tih sawi theih a ni lo. Football chu a inthlak danglam reng a, kan beisei loh thil hi a thleng fo a ni," a ti.

Atletico Madrid de-fender Diego Godin nena ram tana khel dun striker chuan, "Tunah rih chuan PSG player ka nih miau avangin sawi vak a ṭul lo a, chutiang ka ti a nih chuan ka club ka zah lo tihna a ni dawn a ni," tiin thui tak erawh a sawi duh lo.