Olympic-ah pro boxer

Rio Olympic 2016-ah professional boxer rual an inlan thei dawn! Brazil-a Olympic neih turah hian Anthony Joshua, Amir Khan leh Saul Alvarez-te ho i hmu a nih pawhin a mak lo ang.

International Boxing Association (AIBA), Switzerland khawpuia ṭhu-khawm chuan vote hmangin Olympic-a pro-fessional boxer-te inlan chungchangah ngaihdan an la a, member 88 zingah 84 chuan Olympic-a professional boxer an inlan hi an remti a, a tam zawk duh danin an kal dawn ta a ni.

World heavyweight champion hlui Wladimir Klitschko chuan Olym-pic-a inlan a châk thu hi a lo sawi tawh ṭhin a, mah se kum 40-a upa boxer hi Tyson Fury nen July 9-a an inhnek leh dawn avangin Olympic-ah a inlan a beiseiawm loh.

Brazil thlen tur Olympic hi August 5-ah opening ceremony neih a ni dawn a, closing ceremony hi August 21-ah neih a ni ang.