Muguruza leh Stosur-i'n Semifinal an lut

Nilaini khan seeded palina Garbine Muguruza leh Samantha Stosur te chuan an khingpui ve ve hnehin French Open hmeichhe single semifinal an inhlangkai.

Season hmasa Wim--bledon runner-up Mu-gu-ruza hian a zawna Roland Garros-a semifinal lut turin Shelby Rogers chu 7-5, 6-3 in a hneh. Inkhel dangah Stosur chuan Tsvetana Pironkova lakah 6-4, 7-6 in hnehna a lo chang ve bawk a, player pahnihte hi semifinal-ah an inhmachhawn zui leh dawn a ni.

US Open champion pawh lo ni tawh seeded 21-na Stosu hian kum 2012 khan Paris-ah hian semifinal a lo lut tawh a, hemi hnuah Grand Slam inelnaah beisei phak lo chhunzawmin tun ṭum hi a thlensan lehna hmasa a ni. World number 102 Pironkova khan hnehna chang ni sela chuan French Open-a semifinal lut thei WTA ranking-a hniam ber a ni ang, mahse a chak lo zawkah a ṭang thung.