Marcus Rashford duhsaktu Pele

Pele chuan England leh Manchester United striker Marcus Rashford chu Euro 2016 atan duhsakna a hlan.

Kum 75-a upa Pele chuan, "Tunlai chhanah chuan kum hi a pawimawh ber tawh lo a, inpeih a pawimawh. Eng pawh hmachhawn se hlauthawng reng reng suh se. Vanneihna ka tawn tawh ang kha Rashford-a chunga thleng ve turin duhsakna ka hlan a ni. Pressure nasa tak a hmachhawn dawn a, chumi hunah chuan inrintawkna a neih a pawimawh ang," tiin duhsakna a hlan.

1958 World Cup-ah Pele hi kum 17 leka upa niin Brazil squad-ah telh a ni a, an ram champion-na kawngah goal ruk khungin best young player-ah thlan a ni. Pele chuan, "World Cup hmasa ber ka champion hma chuan coach-in 'He team-a i tel chhan chu i danglam bik vang leh, player ṭha i nih vang a ni a, player dang hi nang aiin upa mah se hlau suh' tiin min hrilh a, kha mi ṭuma min fuihna kha Rasford tana ka thuchah chu a ni," tiin a tawnhriat aṭangin a fuih.

England hian nizan khan friendly match-ah Portugal an hmachhawn a, Roy Hodgson hote hi Group B-ah Russia, Wales leh Slovakia nen an awm.