Reyes-a'n Sevilla chhuahsan

Spanish La Liga club Sevilla chuan an player pawimawh Jose Antonio Reyes-a'n an club a chhuah-san dawn tih an sawi. Turkish Super Lig club Galatasaray zawm tura sawi thawm a awm nghal.

Arsenal tan pawha lo khel tawh kum 32-a upa Reyes hian Sevilla tan hian season sarih chhungin match 253 a khel hman a, tun hnai season thum chhung a zawna Europa League champion an nih theih nana player ṭangkai a ni. Spain inter-national hlui Reyes hian Atle-tico Madrid chu Europa-ah ṭum hnih a lo champion pui tawh bawk.

Thuchhuah siamin Sevilla chuan, "Jose An-tonio Reyes chuan Sevilla a chhuahsan dawn ta. He hmuna a awm chhung hian player pawimawh leh entawn tlak tak mai niin a theihna zawng zawng club tan a hlan ṭhin," tiin an player chhuak tur chungchang an sawi.