DSK leh Pereira inṭhen

I League club DSK Shivajians chuan an coach Derrick Pereira chu contract thar an zawrh lo a, season thar aṭang chuan Pune club hian coach thar hnuaiah an khel tawh ang.

Pereira hian I League khelh zawh takah khan Indian football inelna sang bera an season hmasa berah DSK hi a mawngphahah a awmpui a, season chawhnu lama squad thuam chak a nih hnua an match hnuhnung pakuaah vawi hnih chiah a tlawmpui thung.

Aizawl FC nen pawha sawizawm lo hlawh tawh coach hian Mahindra United, Pune FC leh Salgaocar FC-te chu I League-ah a lo kaihruai tawh a, a chhuahsan tak DSK hian season tharah ram pawn lam coach rawih an tum nia sawi a ni.