Chile ngam loh Hernandez

Nimin zing khan Mexio leh Chile te chuan Copa America Centenario inbuatsaih nan friendly match an khel a, hun tawp dawna Javier Hernandez goal khung hmangin Mexio hian champion lai 1-0 in an hneh. Chile hian an match hnuhnung pakhatah Jamaica an hneh loh tawh bawk avangin an champion nomawi humhim tur chuan an insiam ṭhat a ngai hle.

Qualcomm Stadium, San Diego-a inkelah Chi-le hian an player langsar midfielder Arturo Vidal leh Alexis Sanchez te inkhel bul ṭan tirin first half-ah inkhel an thunun zawk a, Arsenal forward Sanchez hian goal khung theihna hun ṭha nei mah se Mexico goalkeeper Alfredo Talavera a pal-tlang zo lo.

Mexico coach Juan Car-los Osorio chuan mi-nute 78-naah kum 28-a upa Hernandez a luh tir a, Manchester United forward hlui hian minute 86-naah he inkhela goal awmchhun hi a khung. Carlos Osorio kaihhruaina hnuaiah Mexico hian an khel ṭha tluang tak zet a, match sarih an khelh tawhah hnehna chang vekin goal an la chhuah lo hial.

Mexico hian Copa Ame-rica-a an match hma--sa ber atan Pathianni zing hian Uruguay an hmachhawn dawn a, champion lai Chile hian Argentina an hmachhawn thung ang.