Saina-i'n quarterfinal a lut

India chhuanvawr Saina Nehwal chuan ni-min khan Fitriani Fitriani hnehin Indonesia Open quarterfinal a lut.

Badminton inelna Super Series Premier-ah hian Saina chiah hi India beiseina a ni tawh a, Jakarta-ah vawi thum champion lo ni tawh Saina hian world number 53 Fitriani hi minute 32 chhung lekin 21-11, 21-10 in a sawp.

Kum 26-a upa Saina hian a match hmasa berah world number 23 Pai Yu Po chu 21-11, 19-21, 21-15 in a lo hneh tawk bawk a, semifinal lut tur chuan seeded pakhatna Carolina Marin a paltlang a ngai dawn a ni.

Kum 2009, 2010 leh 2012-ah te khan Saina hi Indonesia Open-ah hian a lo champion tawh a ni. August thla a neih tur Rio Olympic-ah pawh India beiseina a ni nghe nghe.

Hetih mek lai hian hmeichhe double-ah Jwala Gutta leh Ashwini Ponnappa te ṭang dun chu Huang Yaqiong leh Tang Jinhua te ṭang dun lakah 9-21, 18-21 in an chak lo thung.