Euro 2016 Hliam vanga inlan lo tur player ṭha zual
Footballer-ten an châk ber ṭhin chu ram tana inelna lian thama khelh a ni a, an beisei ti hlawhtling turin club football-ah theihtawp an chhuah ṭhin. Mahse, football-in ken tel duhawm lo tak a nei a, chu chu inhliam a ni.
Euro 2016 khelh hun a hnai a, Europe-a player ṭha zawng zawngin France-a kal an beisei laiin player vanduai bik an awm a, hliam vangin footballer ṭha
ṭhenkhat an inlan dawn lo - heng zingah hian i player ngaihsan leh ngainat pawh an awm ngei ang.
Goalkeeper
Jack Butland (England)
Kum 23 leka upa keeper hi season hman zawh takah Stoke City keeper rinrawl ber a ni a, March thla khan England tan a inlannaah a inhliam. Ram tana vawi li khel tawh keeper hi England no. 1 ni lo mah se Joe Hart-a thachhang dawl tur chuan ani aia duhthlan tur ṭha zawk England-in an nei chuang lo.
Defender
Vincent Kompany (Belgium)
Manchester City captain hi a dam ṭhat phawt chuan khawvela tlarhnung ban rinawm zinga mi a ni tih hi Premier League en ṭhin zingah hrilh nawn ngai an awm lo. Ram tana vawi 70 inlan tawh defender hi Champions League semifinal second leg-a Real Madrid nen an inhmachhawn ṭumin a malpuiah hliam a tuar a, Belgium tan an captain tel lo tur hi hruaitu ropui channa a nih bakah tlarhnung ban rinawm channa a ni tel nghal bawk.
Kurt Zouma (France)
Kum 21-a upa defender hian season hman zawh takah Chelsea tan match 32 khelin Europe-a defender beiseiawm ber pawl a ni. Mahse, kum 21-a upa defender hi February thlaa a inhliam hnuah Euro a khelh theih loh tur thu tihchian a ni a, tharum ngah defender tel loa France tlarhnung ṭhat tawk leh tawk loh a chiang thuai dawn.
Aymeric Laporte (France)
Kum 22-a upa defender hi France tan la inlan lo mah se Manchester City manager thar Pep Guardiola chil ti puttu a ni a, dam ṭha se chuan France squad-ah tel ngei tura ngaih a ni. March thla khan France Under-21 leh Scotland an inhmachhawn ṭumin hliam vangin lakchhuah a ni a, Euro 2016 khelh a beiseina a thamral chhunzawm nghal. Athletic Bilbao defender hi Pep chuan Etihad Stadium lamah lakluh tumin a dawr mek a, pound maktaduai 39 bawr vel sen an inhuam nia sawi a ni - heti zat man defender hi a chhe thei lo.
Midfielder
Ilkay Gundogan (Germany)
Pep Guardiola-a'n Manchester City boss a nih hnua a player lakluh hmasak ber hi player chhia a ni thei lo - hei mah mah hliam nei chung lehnghal! Pound maktaduai 20 man midfielder hian May thlatir khan training-naah a khupah hliam a tuar, kum 25-a upa midfielder tel loin Germany an khelh a ngai dawn.
Claudio Marchisio (Italy)
Kum 30-a upa, Juventus midfielder pawimawh hian April thla khan club tan a inlannaah hliam a tuar a, ram tana vawi 54 inlan tawh midfielder hi Italy midfield khaikhawmtu ber a nih avangin Antonio Conte tan Euro 2016-a a hruai thei lo tur hi channa nasa tak a ni.
Marco Verratti (Italy)
Paris Saint Germain midfielder hian season hman zawh takah hliam vangin French club tan match 26 chiah a khel a, February thlaa a inhliam hnua inkhel mumal lo midfielder hi May 6 khan Euro a khelh theih loh tur thu puan niin Italy tan thil hriat nuam a ni lo. Ram tan vawi 15 chauh la inlan mah se PSG a pan hnuah Ligue 1 Team of the Year (4)-ah a lang kim vek a, kum 23 chauha upa a la ni!
Forward
Marco Reus (Germany)
Kum 27-a upa winger hi Euro 2016 khel lo tur player zinga langsar ber ang hiala chhal ngam a ni. May 31-a Germany squad puan chian a nih hnuah hliam vanga telh a nih loh thu puan a ni a, ngaihdan a phir nghal!
Borussia Dortmund fachuam hian season ṭha tak hmangin goal 23 a khung a, provisional squad-ah pawh telh niin a hliam hi training-naa a tawrh niin Germany chuan an tarlang.
Mahse, Mario Gotze chuan squad-a a ṭhianpa telh a ni lo hi mak a tih thu leh a lungawi loh thu twitter lamah a lo tlangaupui hman a, a hnu lawkah a hliam tih a lo hriat loh vang a nih thu a sawi. Germany squad-a a awmpui a ṭhianpain Reus-a inhliam tih a hre lo hi a mak a, zawhna piang nghal chu hliam damkawr Bastian Schweinsteiger pawh kotu Joachim Low hian chhuanlam dang siamin Reus hi a ko lo hrim hrim a ni thei ang em? tih hi a ni.
Danny Welbeck (England)
Hliam vanga season bul a ṭan theih loh hnuah February thla khan Danny Welbeck a lo kir a, Arsenal tan vawi 15 inlanah goal nga khung mah se May thlaa Manchester City nen an inhmachhawn ṭumin a khupah hliam a tuar leh a, Euro 2016 khelh a beiseina a thamral chhunzawm nghal. Mahse, England-in Marcus Rashford, Jamie Vardy, Harry Kane leh Daniel Sturridge te an neih tho avangin ram tan vawi 35 a inlana goal 14 khungtu striker hi an ngai lutuk lo ang.
Footballer-ten an châk ber
ṭhin chu ram tana inelna lian thama khelh a ni a, an beisei ti hlawhtling turin club football-ah theihtawp an chhuah ṭhin. Mahse, football-in ken tel duhawm lo tak a nei a, chu chu inhliam a ni.
Euro 2016 khelh hun a hnai a, Europe-a player ṭha zawng zawngin France-a kal an beisei laiin player vanduai bik an awm a, hliam vangin footballer ṭha
ṭhenkhat an inlan dawn lo - heng zingah hian i player ngaihsan leh ngainat pawh an awm ngei ang.
Goalkeeper
Jack Butland (England)
Kum 23 leka upa keeper hi season hman zawh takah Stoke City keeper rinrawl ber a ni a, March thla khan England tan a inlannaah a inhliam. Ram tana vawi li khel tawh keeper hi England no. 1 ni lo mah se Joe Hart-a thachhang dawl tur chuan ani aia duhthlan tur ṭha zawk England-in an nei chuang lo.
Defender
Vincent Kompany (Belgium)
Manchester City captain hi a dam ṭhat phawt chuan khawvela tlarhnung ban rinawm zinga mi a ni tih hi Premier League en ṭhin zingah hrilh nawn ngai an awm lo. Ram tana vawi 70 inlan tawh defender hi Champions League semifinal second leg-a Real Madrid nen an inhmachhawn ṭumin a malpuiah hliam a tuar a, Belgium tan an captain tel lo tur hi hruaitu ropui channa a nih bakah tlarhnung ban rinawm channa a ni tel nghal bawk.
Kurt Zouma (France)
Kum 21-a upa defender hian season hman zawh takah Chelsea tan match 32 khelin Europe-a defender beiseiawm ber pawl a ni. Mahse, kum 21-a upa defender hi February thlaa a inhliam hnuah Euro a khelh theih loh tur thu tihchian a ni a, tharum ngah defender tel loa France tlarhnung ṭhat tawk leh tawk loh a chiang thuai dawn.
Aymeric Laporte (France)
Kum 22-a upa defender hi France tan la inlan lo mah se Manchester City manager thar Pep Guardiola chil ti puttu a ni a, dam ṭha se chuan France squad-ah tel ngei tura ngaih a ni. March thla khan France Under-21 leh Scotland an inhmachhawn ṭumin hliam vangin lakchhuah a ni a, Euro 2016 khelh a beiseina a thamral chhunzawm nghal. Athletic Bilbao defender hi Pep chuan Etihad Stadium lamah lakluh tumin a dawr mek a, pound maktaduai 39 bawr vel sen an inhuam nia sawi a ni - heti zat man defender hi a chhe thei lo.
Midfielder
Ilkay Gundogan (Germany)
Pep Guardiola-a'n Manchester City boss a nih hnua a player lakluh hmasak ber hi player chhia a ni thei lo - hei mah mah hliam nei chung lehnghal! Pound maktaduai 20 man midfielder hian May thlatir khan training-naah a khupah hliam a tuar, kum 25-a upa midfielder tel loin Germany an khelh a ngai dawn.
Claudio Marchisio (Italy)
Kum 30-a upa, Juventus midfielder pawimawh hian April thla khan club tan a inlannaah hliam a tuar a, ram tana vawi 54 inlan tawh midfielder hi Italy midfield khaikhawmtu ber a nih avangin Antonio Conte tan Euro 2016-a a hruai thei lo tur hi channa nasa tak a ni.
Marco Verratti (Italy)
Paris Saint Germain midfielder hian season hman zawh takah hliam vangin French club tan match 26 chiah a khel a, February thlaa a inhliam hnua inkhel mumal lo midfielder hi May 6 khan Euro a khelh theih loh tur thu puan niin Italy tan thil hriat nuam a ni lo. Ram tan vawi 15 chauh la inlan mah se PSG a pan hnuah Ligue 1 Team of the Year (4)-ah a lang kim vek a, kum 23 chauha upa a la ni!
Forward
Marco Reus (Germany)
Kum 27-a upa winger hi Euro 2016 khel lo tur player zinga langsar ber ang hiala chhal ngam a ni. May 31-a Germany squad puan chian a nih hnuah hliam vanga telh a nih loh thu puan a ni a, ngaihdan a phir nghal!
Borussia Dortmund fachuam hian season ṭha tak hmangin goal 23 a khung a, provisional squad-ah pawh telh niin a hliam hi training-naa a tawrh niin Germany chuan an tarlang.
Mahse, Mario Gotze chuan squad-a a ṭhianpa telh a ni lo hi mak a tih thu leh a lungawi loh thu twitter lamah a lo tlangaupui hman a, a hnu lawkah a hliam tih a lo hriat loh vang a nih thu a sawi. Germany squad-a a awmpui a ṭhianpain Reus-a inhliam tih a hre lo hi a mak a, zawhna piang nghal chu hliam damkawr Bastian Schweinsteiger pawh kotu Joachim Low hian chhuanlam dang siamin Reus hi a ko lo hrim hrim a ni thei ang em? tih hi a ni.
Danny Welbeck (England)
Hliam vanga season bul a ṭan theih loh hnuah February thla khan Danny Welbeck a lo kir a, Arsenal tan vawi 15 inlanah goal nga khung mah se May thlaa Manchester City nen an inhmachhawn ṭumin a khupah hliam a tuar leh a, Euro 2016 khelh a beiseina a thamral chhunzawm nghal. Mahse, England-in Marcus Rashford, Jamie Vardy, Harry Kane leh Daniel Sturridge te an neih tho avangin ram tan vawi 35 a inlana goal 14 khungtu striker hi an ngai lutuk lo ang.