Dani Alves a chhuak dawn

Brazil international full-back Dani Alves chuan Barcelona-a kum riat hun a hman hnu-ah Catalan club hi a chhuah-san dawn a, season tharah chuan Juventus player a ni tawh ang.

Kum 33-a upa Alves hian 2002 khan Sevilla aṭangin Barcelona hi zawmin Nou Camp-a kum riat a cham chhungin Champions League (3) La Liga (6) Copa del Rey (4)-te a chawi hman a ni.

Barcelona tana match 391 kheltu defender chuan, "Tunah ka kal a ni mai thei a, mah se engtikah emaw chuan he hmunah hian ka lo kir leh ang - player dang ang ka ni tlat lo," tiin Barcelona-a a kir leh tur thu sawiin a club hi a mangṭha.

Hetihlai hian Barce-lona chuan nikum nipui bazar-a Viallarreal hnena an hralh midfielder De-nis Suarez chu lei let leh theihna dan an neih avangin tun nipui bazarah lak let an tum thu an sawi.