Schalke coach thar Weinzierl

Season thara Europa League khel tur Schalke chuan coach thar an nei a, Andre Breitenreiter hmunruak luahkhat turin Augsburg manager hlui Markus Weinzierl chu kum thum chhung cham turin an la lut.

German coach Breitenreiter hian season liam ta khan Bundesliga-ah Schalke chu point 52 hmuh puiin league table-ah pangana dinhmun hial a hruai thleng, mahse a hna a chawlhsan avangin Europe-a inlan tur Schalke hian manager thar an melh a ngai a ni.

Hetihlai hian Bundesliga club tho Augsburg chuan Weinzierl hmunruak luahkhat turin Dirk Schuster an la lut ve thung a, kum 48-a upa Schuster hian season hmasa khan Darmstadt enkawlin point 38 a hmuh pui a, season thara a enkawl tur Augsburg nen an point hmuh zat a inang chiah.