Villa manager thar Di Matteo

Aston Villa chuan sea-son thar aṭanga an manager ni turin Chelsea boss hlui Roberto di Matteo an lak-luh thu an puang a, Italian manager thachhang dawl tur hian Steve Clarke chuan Villa Park a pan ve dawn nia sawi thawm awm bawk mah se Aston Villa chuan Clarke-a chung-chang hi an puang tel lo.

Chelsea-a enkawl laia kum 2012-a Champions League leh FA Cup nomawi chawipuitu Di Matteo chuan, "Aston Villa hi a awmna tur ngaia hruai let leh turin theihtawp ka chhuah dawn a, chu chona phurawm chu hmachhawn turin ka inbuatsaih mek a ni," a ti.

West Brom, Schalke leh MK Dons lo kaihruai tawhtu coach hian kum 2009-10 season-a Premier League khel tura Baggies a kaipui hnuah Championship club a la enkawl leh lo a. May 15-a Bundesliga club Schalke a chhuahsan hnuah club enkawl a la nei leh lo.

March thlaa ban tak Remi Garde hmunruak luah tur Di Matteo assistant tur Clarke hian Newcastle United, Liverpool, West Ham leh Chelsea-ah te assistant manager hna a lo chelh tawh a, manager puitlingin West Brom leh Reading a lo kaihruai tawh bawk.