Marin lakah Saina a tlawm

Indian shuttler zinga dam la awmchhhun Saina Nehwal chu Indonesia Open quarterfinal-ah world number 1 Carolina Marin hneh loin a tla.

Badminton inelna Indonesia Superseries Premier 2016 quarterfinal hi nimin khan khelh niin kum 26-a upa Saina hian Spain nula Marin hi 24-22, 21-11 in a hneh lo a ni. Kum 22-a upa Marin hian semifinal-ah chuan Sung Ji Hyun hnehtu Wang Yihan a hmachhawn leh ang.

August thla hian Rio Olympic neih tur a ni dawn a, he hunah hian India chuan Badminton inelnaah player pasarih ngawt an thawh dawn, Saina hi medal la thei tura beisei ber ni mah se tun hnaiah a khel ṭha tawk lo hle.