Indonesia Open champion Chong Wei

Pathianni khan badmintion inelna Indonesia Open final chu Jakarta-ah khelh a ni a, Lee Chong Wei chuan Den-mark tlangval Jan O Jorgensen hnehin champion nomawi a chawi.

Khawtual tlangval Chong Wei hi game hmasa berah che fuh lo deuh mah se darkar khat leh minute 13 chhungin 17-21, 21-19, 21-17 in hnehna a chang a, Malaysian Open-ah hian vawi ruk a champion-na chiah a ni.

Kum 33-a upa Chong Wei hian hnehna a chan avang hian Rio Olympic atan beiseina a neih san phah hle a, London Olympic-ah khan final-ah Chinese shuttler Lin Dan a hneh lo. Lin Dan hian Malaysian Open-ah hian beisei a phak lo a, seeded pawh ni phak lo Indonesian shuttler Jonatan Christie a hneh lo a ni.

Hmeichhe single lamah kum 21-a upa Tai Tzu-ying chuan minute 34 chhung lekin world champion pawh lo ni tawh Yihan Wang chu 21-17, 21-8 in a hneh ve bawk.