Moto GP Valentino Rossi a la tar lo ve

Khawvela bike khalh thiam berte zinga mi Valentino Rossi chuan a theihna a la san zia lan tirin Pathiannia tlan zawh tak Grand Prix of Catalunya-ah Marc Marquez hnehin pakhatna dinhmun a luah.

Tun season Moto GP intlansiak vawi sarihnaah hian champion lai Jorge Lorenzo chu lap 17-na an tlan laiin Andrea Iannone-a'n a hnung lam aṭanga va suin rider pahnih hian intlansiak an tlan tluan thei lo. Movistar Yamaha rider Lorenzo hian season tharah chuan Ducati bike a khalh tawh dawn a, amah tipalhtu Iannone hi a luahlan tura chu a ni.

Yamaha rider Rossi hian pangana
aṭangin intlansiak bul a ṭan a, pasarihna dinhmunah a tla hniam hman nghe nghe. Mahse, Italian rider hi lap sarihna aṭanga insiam ṭhain ropui takin hnehna a chang.

Kum 37-a upa Rossi hian kuminah vawi hnih hnehna a channa chiah a ni a, Moto GP intlansiakah ṭum 88 hnehna a channa niin Grand Prix career-ah vawi 114 a chakna chiah a ni bawk.

Rider championship-ah point 125 hmutu Repsol Honda rider Marquez chu hmahruaitu thar a ni ta a, Lorenzo (115) leh Rossi (103) te chuan an hnaih hle. June 26 khian Netherlands Grand Prix tlan leh a ni ang.