Chak ngei ngei a hun - Dempsey

U.S. striker Clint Dempsey chuan Copa America Cente^-nario-a an match hmasa berah an chak loh tawh avangin Costa Rica lakah chuan hnehna chan ngei ngei a ṭul tawh thu a sawi.

Jurgen Klinsmann a kaihhruai US hian James Rodriguez leh Cristian Zapata te an dan zawh loh avangin Colombia 2-0 in an hneh lo a, Nilaini zing dar 5:30 hian Costa Rica an hmachhawn leh ang. Group A inkhel tur dangah zing dar 8:00 hian Colombia leh Paraguay te an inhmachhawn dawn bawk a ni.

Copa thlengtu US hian Costa Rica hi inhnehtawkpui se, an group match hnuhnung berah Paraguay an hneh thei a nih chuan last 16 an lut theihna kawng a inhawng dawn tho a, mahse an dinhmun hi a him tawh bik lo.

German coach Klinsmann-a'n Colombia lakah chak lo mah se team ṭha lo zawk leh hniam zawk an nih loh thu a lo sawi tawh a, an inbuatsaihna a ṭhat bakah inelna thlengtu an nih avangin an zam loh thu a lo sawi tawh, an ṭha tak tak em tih chu fiahin a awm dawn.

US tana goal 49 khung tawhtu Dempsey chuan, "Costa Rica hian point khat an nei tawh a, keini lamin kan la nei ve lo thung. Inkhel hautak tak a ni dawn tih a chiang a, inhnehtawk pawh a hun tawh lo a, kan tan chuan chak chiah a pawimawh tawh," tiin a sawi.