Rinawm taka chak duh Hodgson

England manager Roy Hodgson chuan Euro 2016-ah thleng sang tura lemchan kher a ṭul loh thu sawiin France-ah thlen san an duh chuan a ṭha thei ang bera khelh a pawimawh thu a sawi.

June 11-a Russia nena an match hmasa ber khel tur England boss chuan, "Midang rilru la peng thei emaw inhliam der turin ka naute ka hrilh dawn lo. Ka player-te hrilh ka duh chu defending ṭhat dan leh na zawka kan khingpuite goal nawr dan tur a ni," a ti.

Portugal leh England-in friendly match an khelh ṭumin Harry Kane chu a lu bulah Bruno Alves-a'n tlawh mah se player tam tak nat der ṭhinnaah English striker a tlu der duh lo a, a striker chet dan chu tihdan tur dik tak a nih thu Hodgson chuan a sawi.