Ronaldo chauh a tawk lo - Portugal coach

Portugal coach Fernando Santos chuan an thiampuipa Cristiano Ronaldo thiamna chauh hmanga Euro 2016 nomawi chawi thei an nih loh thu a sawi a, hetihrual hian Real Madrid forward chu an team tana player pawimawh ber pawl a nih thu erawh a pha lo.

Kum 61-a upa mana-ger chuan, "Ronaldo hi Real Madrid tana player pawimawh tak a ni a, chu-tiang tak chuan Por-tugal tan pawh player pawimawh a ni. Season tin goal 50 emaw goal 60 khung ziah thei player i neih chuan i team-ah player pawimawh a ni lo thei lo. He team tana a pawi-mawhna hi sawifiah chi pawh niin ka hre lo," a ti.

Greece manager hlui chuan Ronaldo chu pawimawh viau mah se amah chauha hnehna chang thei a nih loh thu sawiin, "Cristiano ringawt hi hnehna chang turin a tawk lo a, team anga kan thawh ho ṭhat a pawimawh a ni. Hnehna chang tur chuan player
ṭha pawhin ṭhiante puihna a mamawh a, chutiang chuan kan khelh a ngai a ni," tiin France-a hlawhtling turin an thawh ho a pawimawh thu a sawi.

Season hman zawh taka goal 51 khungtu Ronaldo-a'n season chawhnu lamah hliam a tuar a, Euro 2016 khelh turah 100%-in a la fit tawk lo ni a sawi a ni.

Mahse, Portugal coach chuan, "Ka player-te chu 100%-in fit vek se ka duh. Mahse, Cristiano hi chu player danglam bik a nih avangin 80% chauh pawhin in fit se
ṭhatpui tham a ni. A fitness chungchang hi chu kan zirchiang reng a ni. Hliam na tak nei ni se squad-ah kan ko lo ang," tiin Euro-ah an player pawimawh chu ngaihngam taka an chhawr tur thu a sawi.

Euro 2016-a an match hmasa ber June 15-a Iceland nena khel tur Portugal hian zanin dar 12:15-ah Estonia nen friendly match an khel dawn a, France-a an kal hmaa an match hnuhnung ber tur a ni ang.