American sumdawng hausa kutah Swansea City

Premier League club Swansea City chu American sumdawng hausa intelkhawm Jason Levien leh Steve Kaplan-te kaihhruai thuhnuaiah a awm tawh dawn - American sumdawngte hian Swansea-ah 60% neitu nihna an lei a, an pawisa sen zat hi pound maktaduai 100 a ni.

Levien hi Major League Soccer club DC United-a neitu nihna nei a ni a, Kaplan hi Oaktree Capital investment fund-ah principal niin NBA franchise Memphis Grizzlies-ah vice chairman a ni bawk.

Welsh club chuan thuchhuah siam nghalin, "Indawrna tluang taka neih a ni a, team pahnihte chuan tuna ka thutlukna hi club-in hma lam a panna kawngah nasa taka a puih kan ring a ni," an ti.

Engtin zel?

Swansea Board-a palai nei Swansea City Supporters' Trust chuan neitu nihna 21.1% an neihsa chu an chhawm nung zel ang.

Chairman Huw Jenkins (13.2%) leh vice-chairman Leigh Dineen (5.3%)-te chu an share a tlahniam dawn a, an nihna erawh an chhawm nung zel ang

Swansea-a 23.7% neitu nihna neia nei hnem ber OTH Limited chuan an neitu nihna hi engemawzat an chan ang.

South African sumdawng hausa Brian Katzen leh a thawhpui Jeffrey Crevoiserat-te chuan 21.1% neitu nihna an neiha a tam zawk chu an chan ang.

Club stadium Liberty Stadium hming chawitu Liberty Properties neitu Rob Davies chuan 10.5% neitu nihna a neih aṭangin a hralh
ṭhen ang a, Dutch sumdawng hausa John van Zweden chuan 5.3% a neih chu a hralh vek ang.