Juve-a cham chhunzawm tur Evra

Juventus defender Patrice Evra chuan kum khat chhung atan contract thar a ziak leh ta a, Turin club tan hian 2016-17 season tawp thleng a inkhel chhunzawm dawn tihna a ni.

France international Evra hian Old Trafford-ah kum riat hun a hman hnuin kum 2014 khan Juventus hi a zawm a, Serie A-ah
ṭum hnih a champion pui leh der tawh.

Kum 35-a upa Evra hian thla hmasa khan Turin-ah hian kum hnih dang cham belh tura contract ziah a duhthu lo sawi tawh mah se tunah hian kum khat atan chauh a ziak thung. Mahse, a ṭul a nih chuan a contract hi pawh sei theih tur a ni thung ang.

Champion zel a duh thu sawiin Evra chuan, "Juve-ah hun rei lote ka hmun chhungin Italy champion vawi hnih kan ni der tawh a, he hmunah hian ka hlimin nomawi dang chawi belh zel ka duh," tiin a sawi.

Evra hian France tan match 73 khel tawhin tunah hian an ramin an thlen tur Euro 2016 khel tura koh zingah a tel a ni.v