Guardiola laka beisei nei sang City chairman

Manchester City chairman Khaldoon Al Mubarak chuan an manager thar Pep Guardiola chuan dinhmun duhawm zawk leh sang zawkah an club chu a thlenpui a beisei thu a sawi.

Al Mubarak chuan, "Pep-a'n kan team a zawm avang hian ka hlim takzet a, khawvela coach ṭha ber pawl a ni. Manager ropui tak, a hna tuichilh leh inpe tak a ni a, a kalna apiangah nomawi a chawi a ni," a ti.

Spanish manager Pep hian Bar-celona-a enkawl chhungin La Liga (3), Copa del Rey (2), Spanish Super Cup (3), Champions League (2), UEFA Super Cup (2), FIFA Club World Cup (2) nomawi a chawi thei a, Bayern Munich a pan hnuah pawh Champions League nomawi chawi lo mah se season thum chhungin league-ah a champion vek a, DFB Pokal (2), UEFA Super Cup (1), FIFA Club World Cup (2013) nomawi a chawipui bawk.

Mubadala Development Com-pany CEO ni bawk Al Mubarak chuan, "Pep hian kan team hi ropui zawkin a kaihruai ang tihah hian rinhlelhna ka nei lo," tiin a manager thar lakah beiseina a nei sang hle.

Manchester City hian season hmasa kha Premier League-ah palina nichungin an khar a, League Cup-ah champion-in Champions League-ah semifinal hial an thleng bawk. Al Mubarak chuan an manager chhuak ta Manuel Pellegrini chuan hna ṭha tak thawk mah se a aia sang zawk an beisei thu a sawi.