TT inelna lian an nei ṭan

Mizoram Table Tennis Association (MTTA) buatsaih - MTTA Season Opening Table Tennis Championship chu MTT Hall, Kawltheihuanah khelh mek a ni.

Ram pum huap inelnaah hian district hrang hrang aṭangin player inlan an ṭhahnem hle a, category chi hrang hrang 18 siam a ni; ruahman dan chuan June 21, Zirtawpniah a hmawr bawk tur a ni ang.

Inelna hawngtu sports minister Lalnghinglova Hmar chuan, Mizoram leh India champion mai ni lo Olympian nei thei turin a fuih a, tualchung TT-in hma a sawn zel theih nan sorkar chuan theihtawp a chhuah zel dawn niin a sawi bawk.