Hnehna nena bul ṭan Alcaraz

Carlos Alcaraz chuan Wimbledon inbuatsaihna a nei ṭan a, grass court tournament a khelh hmasak Queen's Club Tournament a match hmasa berah Francisco Cerundolo a hneh.

Kum 21 mi hi champion lai a ni a, season hmasa lama a nomawi humhim ngei pawh a tum - a khingpui Argentine tlangval hi 6-1, 7-5 in a hneh a, a match lehpekah chuan tualchhung player Jack Draper a hmachhawn leh ang.

Spanish star hian nikum khan Queen's Club-ah hian nomawi a chawi a, grass court inelna lian Wimbledon title a la zui bawk, a sulhnu ṭha hi kuminah pawh chhunzawm leh ngei a tum dawn a ni.

Alcaraz hi tunlai tennis player hmuhnawm berte zinga mi a ni mek - US Open leh Wimbledon champion a nih hnuah, thla hmasa mai khan French Open nomawi a chawi bawk.

World number 2 Alcaraz chuan, "Tun hma lama ka lo champion tawhna a ni emaw, ka la champion ngai lohna hmun emaw pawh ni se kei chuan a ngai rengin ka ngaihtuah, theihtawp ka chhuah tawp zel mai a ni," a ti.

Inkhel dangah Andy Murray pawh a chak. World number 1 hlui hian Alexei Popyrin chu 6-3, 3-6, 6-3 in a hneh a, vawi nga a champion tawhna hmunah hian a inlan hnuhnung ber a nih rinawm a, chuvangin a sang thei ang ber thlen theih a chak zual ngei ang.