Mbappe hmaikawr siamsak duhtu an tam

France leh Austria inkhelh ṭumin Kylian Mbappe-a hnar ruh a tliak a, tun inelnaa khel chhunzawm turin hmai kawr a vuah a ṭul dawn. Company ṭhahnem takin Real Madrid zawm mai tur Mbappe hmaikawr vuah tur siamsak an châk a, French forward tan vanduaina hi hlawkna a ni thei ang.

Football khawvelah hian hmaikawr vuaha inkhel hi ṭhahnem tak an lo awm tawh. Qatar World Cup-ah khan Manchester City leh Croatia defender Josko Gvardiol chuan Japan an hmachhawn ṭumin hmaikawr a vuah a, a hnar ruh tliah vang a ni.

Tottenham Hotspur forward Son Heung-min pawhin UCL-a Tottenham leh Marseille inhmachhawn ṭumin a vuah a, Napoli striker Victor Osimhen-a'n a mit bula hliam a tawrh avangin hun rei tak a vuah bawk.

England captain Harry Kane, Diego Costa, Cesc Fabregas, Robert Lewandowski, Fernando Torres, Daniele de Rossi, John Terry bakah Gascoigne thlengin hmaikawr hi inkhelhnaah an lo vuah tawh a ni.