Olympic khel lo tur Sabalenka leh Jabeur

Australian Open champion Aryna Sabalenka leh Wimbledon final vawi hnih khel tawh Ons Jabeur te chuan Paris Olympic an khelh dawn lo tih an sawi chiang.

Player pahnih hian grass court season an hmang dawn a, tun hnaiah French Open an khelh zawh chiah bakah July thla hian Wimbledon khelh tur a awm bawk - infiamna khawmpui liana tel zui leh bawk chu a hautak ve bawk a ni.

World number 3 Sabalenka chuan, "Match khelh tur a tam em em a, hetiang karah chuan taksa hriselna dinhmun ngaihtuah ve a ngai. Taksa mai bakah rilru lamin chawlh a mamawh," a ti a, world number 10 Jabeur pawhin a zawna vawi li Olympic khelh a tumna chu a ti hlawhtling thei dawn lo tih a sawi ve bawk.

Jabeur hi player ṭha tak ni mah se Olympic-ah a che ṭha ngai lem lo, an ram Tunisia tan vawi thum a fek chhuak tawh a, chak ni hmel a la hmu miah lo a ni.

Grass court inelna lian ber Wimbledon chu July 1-14 chhungin khelh a ni dawn a, infiamna khawmpui lian Paris Olympic chu July 26 aṭanga August 11 chhunga neih tur a ni thung.