Cricket inelnaah chhiat tawk

Cricket Association of Mizoram buatsaih - Veteran Cricket Tournament hamsa berah nimin khan Hunthar leh Sakawrpului an inhmachhawn a, he inkhelah hian Hunthar player Lalbiakzuala, kum 48 mi chu a taksa a chau thut a, damdawi in panpui ni mah se a nunna chhan hman a ni lo.

Doctor-te chuan Lalbiakzuala thih chhan hi lungphu chawl vang niin an sawi. Hunthar leh Sakawrpului player bakah match official te'n a pualin hun tawi an hmang zui a, sunna hun neih nghal a ni bawk.

Cricket Association of Mizoram chuan hetianga vanduaina a lo thleng ta hi pawi a tiin, Hunthar leh Lalbiakzuala kalsan tak a nupui fanau te pawh an tawrhpui hle tih an sawi a, "Pathianin thlamuanin awmpui se tih hi CAM chuan a ṭawngṭaina leh thlahna a ni," an ti.

CAM chuan Lalbiakzuala, Hunthar player a sunzia leh a chhungte a tawrhpuina lantir nan tournament kal lai pawh vawiin June 20, Ningani a khelh tur chu ṭhulh a ni. CAM hian Lalbiakzuala vuina hunah hian cricketer/tournament khel zawng zawng te tel turin an sawm bawk a ni.