Willie Mays a awm ta lo

Baseball legend Willie Mays chu kum 93 mi niin Thawhlehni khan a thi. Mays hi mi tam tak chuan baseball player piang tawh zinga ropui berah an chhal a, Major League Baseball-ah vawi hnih chu Most Valuable Player (MVP) atan thlan niin, kum 1954 khan New York Giants tana a khelh laiin World Series champion an ni bawk.

'Say Hey Kid' hming lem an pek Mays hi kum 1979 khan baseball hall of fame-ah lakluh a lo ni tawh a, center fielder niin, MLB-ah hian season 23 zet hun a hmang a ni.