Slovenia lakah Serbia tlawm lo

European Championship an khelh tawhah Slovenia chuan a vawi khat nan chak ni hmel an hmu teuh hle, mahse hun tawp dawnah Serbia tan Luka Jovic chuan goal khungin 1-1 in an inhnehtawk.

Ningani zan Group C inkhelah Slovenia hian defender Zan Karnicnik hmangin second half-ah goal an nei a, an hum tluan teuh hle. Minute 90+5-ah Jovic chuan sutin point an insem a ngai ta zawk a ni.

Slovenia coach Matjaz Kek chuan, "European Championship khel thei kan nihzia chu a takin kan lantir chiang hle, infiamna hi a chang chuan a nunrawng ve ṭhin - Serbia laka ka naute khelh danah khan sawisel tur a awm lo," a ti.

Match vawi hnih an khelh tawhah Slovenia hian point hnih an hmu a, an group match hnuhnung berah England an hmachhawn ang, last 16 lut turin a tawp thlengin beiseina an nei thei dawn.

Serbia striker Aleksandar Mitrovic chuan hun tawp dawna Jovic-a goal chu an tana goal hlu bik leh hriatreng tawh tur a nih thu a sawi a, an tana knockout stage beiseina meichher chhi nungtu a nih thu a sawi ve bawk.