Quarterfinal-ah Sinner a lut

Mipa tennis world number 1 Jannik Sinner chuan Wimbledon inbuatsaihna a nei ṭha chho hle. Ningani zan khan Halle Open khelh laiah a khingpui Fabian Marozsan hnehin quarterfinal a lut.

Australian Open champion hian Fabian Marozsan hi 6-4, 6-7 (4/7), 6-3 in a hneh, awlsam takin a chak bik lo tihna a ni. Clay court season an hmang zo chauh a ni a, grass-a inkhelh leh chu a brouak a danglam ve bawk.

Italian tlangval Sinner chuan, "Fabian Marozsan nen khan kan intawn vawi khatna a ni a, tun hmain player ṭha tak tak a lo hneh tawh ṭhin tih ka hria, chuvangin fimkhur tak chungin ka hmachhawn.

"Tournament khelh hian match hmasa lam chu a awlsam ngai lo, a nihna takah chuan Halle Open khelhna hi Wimbledon khelhna grass nen pawh an inang chiah lo, chuvangin a harsa ve bawk a ni," a ti.

Inkhel dangah Jan-Lennard Struff a chak, tualchhung tlangval hian mipui ṭan rawn a hlawh a, inkhel hmuhnawm takah Stefanos Tsitsipas chu 6-4, 6-4 in a hneh a, quarterfinal-ah Sinner nen an inhmachhawn leh ang.