Champion lai Alcaraz a tla

Wimbledon inbuatsaihna tournament zinga langsar bera chhal ngam Queen's Club Championship khelh laiah, champion lai Carlos Alcaraz chu Jack Draper hneh loin second round-ah a tla.

British mipa number 1 thar Draper hian Alcaraz hi 7-6 (7-3), 6-3 in a hneh. Spanish star Alcaraz-a'n match point hmasa pathum chu inchhanhim thei mah se a tawpah a ṭang zo ta lo.

Draper chuan, "Sofia leh Adelaide-ah ka vanduai a, a hnuah Stuttgart lamah ka vannei thung. Tun hnaia hlawhtlinna ka chan khan nasa takin inrintawkna min siamsak, chu chu tun ṭumah pawh khan a rah chhuah kan hmu," a ti.

Season hmasa khan Alcaraz-a'n Queen's Club-ah hlawhtlinna changin, a hnuah grass court inelna lian Wimbledon title a la zui bawk - French Open champion thar tan kuminah erawh boruak a danglam ta hret dawn tihna a ni.