Futsal Club C'ship-ah Thyristor-in bul an ṭan ṭha

24th June, 2024

AIFF Futsal Club Championship 2023-24 chu June 22, Inrinni aṭangin Swarnim Gujarat Sports University, Gujarat-ah khelh ṭan a ni a, Mizoram aiawh Thyristor chuan Speed Force FC chu 9-2 zetin an sawp.

Ramhlun Venglai club Thyristor hi season liam ta khan MFA Futsal League champion an ni a, India ram pum huap inelnaah pawh bul an ṭan ṭha hle.

Inelnaah hian Electric Veng FC an tel bawk. Vawiin tlai dar 5:00 hian Electric Veng hian Delhi champion Goal Hunters an hmachhawn ang. Group B-ah EFC hi Goal Hunters, Minerva Punjab, Bangalore Arrows leh Satvir FC te nen an awm ho a ni.

AIFF Futsal Club Championship-ah hian match commissioner turin R. Malsawma a tel a, referee turin Frank Rinpuia a zin bawk.