NE Football Development Council President Tetea Hmar

India hmar chhaka football hruaitu intel khawm, North East Football Development Council-ah Mizoram Football Association president Lalnghinglova Hmar chu President tharah thlan a ni.

June 22, Inrinni khan Guwahati-ah General Body Meeting neih a ni a, hruaitu thar thlanna neih a ni nghal. NFDC General Body hian Dr T Ao Football chu tun aia mumal zawka kalpui an tum a, India hmar chhak state-te inelna kalpui dan tur rel bawk.

All India Football Federation hriatpuia kum 2020-a din NEFDC hi hmar chhak state-a football hmasawn zelna tura din a ni a; tun ṭum meeting-ah hian state pariat aiawhte an tel kim a, Assam Football Association-in a thleng a ni.

Hruaitu thlan thar zingah hian General Secretary atan Kipa Ajay, Arunachal Pradesh thlan a ni a, ani hi AIFF lama Treasurer ni lai a ni a; Senior Vice President-ah Menla Ethanpa, Sikkim thlan niin ani hi AIFF Executive Committee Member a ni mek.