Wimbledon atan Djokovic a chiang lo

Novak Djokovic chuan tun hnai khan Wimbledon khelhna hmun a tlawh a, grass court inelna lianah hian kuminah a inlan thei ngei dawn em, tih erawh a la sawi chiang thei lo thung.

Serbian star hian an ram tan Paris Olympic 2024 a khel dawn tih a sawi chiang tawh a, inelna a inhnaihchilh avangin player ṭhenkhat chuan Wimbledon emaw Olympic emaw a pakhat zawk an khel thei lo fur dawn a ni.

Kum 37 mi Djokovic hi French Open aṭanga a tlak hnuah zai a ni a, a khup zai aṭangin ni 20 bawr bak a la liam lo, tunah inkhel thei leh pawh ni se a ṭhat dan berin a la inkhel chhuak thei rih lo ang tih a rin theih.

All England Club-a inkhelh hi player-ten an chak ṭhin a, kar hmasa pawh khan inbuatsaihna hrang hrang an kalpui nasa hle. July thlatir aṭanga ṭan tur a nih avangin a boruak a lian chho tawh hle a ni.

Hetih lai hian July thla chawhnu lam aṭangin Paris Olympic a awm ve dawn bawk, kum upa lam deuh tan chuan a zawna inelna lian hmachhawn kha a hautak tawhin a rinawm - Rafael Nadal pawhin Wimbledon hi a khel dawn lo.