Wales manager tur Henry?

Thierry Henry chu Wales ram team enkawl thei tur zingah lam rik a ni - Football Association of Wales (FAW) chuan a manager chhuak ta Rob Page hmun ruak luah tur an zawng mek a ni.

Arsenal striker hlui hian inkhelh a chawlhsan hnuah team enkawl hna a thawk chhunzawm a, tun hmain AS Monaco leh Montreal Impact a enkawl tawh, ram team lamah chuan Belgium tan assistant manager hna a lo chelh tawh bawk.

Tunah chuan France Under 21 team a enkawl mek a, an ram khawpui Paris-a neih tur Olympic atan an inbuatsaih mek a, team enkawl chinah chuan player a nih laia a ropuina ang tak kha chu a la tawng bik lo.

FAW hian kar hmasa khan an manager Rob Page chu an ban, an ban chhan hi Euro 2024 khel tura an inpet tlin zawh loh vang a ni.