AIFF Referee Assessor course zo dawn

Mizoram Football Association chuan June 25, Thawhlehni khan instructor Joy Chandra Singh, Regional Referee Development Officer, AIFF hoin MFA Office-a meeting room-ah AIFF Referee Assessor course an nei a, district hrang hrang aṭangin mi pariat an tel. AIFF Referee Assessor Course hi ni thum chhung neih tur a ni a, vawiinah a tawp ang.

MFA Referee Committee chairman Lalrawngbawla chuan, "MFA-in India rama Referee Accesor ṭha ber pawl leh ISL lam pawha experience nei ṭha Joy Chandra Singh kan chah chhuak thei hi a lawmawm a, Mizoram football-in hma a sawnpui ngei ka beisei," tiin a sawi.

MFA head of referee Laldawngliana pawhin thu sawiin, "Referee Assessor tur chuan referee te aia dan hriat zawk a ṭul," tiin a sawi. Instructor Joy Chandra Singh chuan, "Mizoram football hmel lanna ber tur leh Mizoram football tana mit leh beng pawimawh tak in ni a, ṭhahnem inngai tur a ni," tiin a fuih ve bawk.