Argentina an chak

Thawhlehni zanlai khan Argentina chu mikhual tana inkhelh harsatna hmun Bolovia-ah an lenglut a, goal an phurh hmasak hnuah 2-1 in hnehna an chang - match hnih khelh tawhah Brazil nen point ruk an hmu.

Boliva lamin captain Marcelo Martins hmangin minute 24-naah hma hruai mah se, mikhual lamin chawlhlawk hmain Lautaro Martinez hmangin an sut a, second half-ah Inter Milan striker hian Joaquin Correa khung tur a siamsak bawk.

World champion vawi hnih ni tawh hian an match hmasa zawkah Lionel Messi goal hmangin Ecuador 1-0 in an hneh tawh bawk a, coach Lionel Scaloni naute hian qualifier bul an ṭan fuh hle - November 12 hian Paraguay an mikhual leh ang.