Dortmund player thar Emre Mor

German Bundesliga pahnihna Borussia Dortmund chuan Turkey international Emre Mor chu Danish club Nordsjaelland aṭangin kum nga chhung cham turin an la lut a, a man zat hi tarlan a ni lo.

Kum 18-a upa Emro Mor hi tunlaia rawlthar ngaihven hlawh tak pakhat a ni a, Liverpool, Manchester United leh Ajax te pawhin an ngaihven nia sawi a ni. Thla hmasa lawk khan Turkey senior team tan a match hmasa ber khel chauh mah se Euro 2016 khel tura koh niin France-a inkhel tur zingah amah aia naupang pahnih chiah an awm.

Dortmund sporting director Michael Zorc chuan an player thar Emre Mor chu tlarhma lama player ṭha leh theihna sang tak nei a nih bakah club hmasawn zel nana mi pawimawh tur a nih thu a sawi.

German coach Thomas Tuchel hian a captain Mats Hummels leh midfielder pawimawh Ilkay Gundogan te chan tawh mah se Bayern Munich midfielder Sebastian Rode leh Spain defender Marc Bartra bakah Rennes forward Ousmane Dembele an la lut tawh bawk.