Stephen Keshi a thi

Nigeria football chan-china hming dai tawh lo tur Stephen Keshi chu kum 54 mi niin June 7 khan a thi. Tualchhung thu-thar thehdarhtute chuan a thih chhan hi lung-phu chawl niin an sawi.

Nigeria national team captian hlui hi player leh coach ni chunga Afri-ca Cup of Nations-a cham-pion thei player pahnih zinga pakhat a ni a, Bel-gian club Anderlecht tana khel ṭhin niin Togo leh Mali a enkawl tawh bawk.

Player a nih laiin Keshi hi Su-per Eagles team (Nigeria) tana mi ṭangkai niin kum 1994 khan Nations Cup-ah an champion a, hemi kum vek hian FIFA World Cup an khel bawk.

Kum 1981-1995 inkar khan ram tan match 54 khelin kum 1994 khan Nigeria chu FIFA ran-king-ah palina a nih pui hial a, African ram zingah world ranking-a sang ber an ni hial.

Inkhelh a chawlhsan hnuah an ram team enkawlin kum 2013 khan Nigeria chu Nations Cup-ah a champion pui a, an ram hi 2014 FIFA World Cup-ah khan last 16 a hruai thleng bawk.