Italy coach thar tur Ventura

Euro 2016 khelh zawh ruala an coach Antonio Conte-a'n a chhuahsan tur Italy chuan coach thar atan Giampiero Ventura an la lut. Kum 68-a upa manager hian France-a Italy zinkawng a tawp hunah an ram team hi a enkawl ṭan ang.

Ventura hian season hmasa khan Serie A-ah a team enkawl Torino chu 12-na dinhmun luahpuiin Italian club hi kum 2011 khan a enkawl ṭan. A season khatnaah Serie B aṭangin Serie A a kaipui nghal a, thla hmasa khan Torino-a a contract hmang zoin Italy hi a enkawl dawn ta a ni.

Kum 1976-a Samp-doria youth team aṭanga a coaching career ṭantu Giampiero Ventura hi coach hlawhtling tia sawi tur a ni lo. Manager a nih chhungin vawi khat chiah nomawi a la chawi a, a nomawi chawi hi kum 1996-a third division-a Lecce a champion pui kha niin manager ṭha zinga chhiar tel a ni ngai lo.

Italian manager hian Russia 2018 World Cup tawp thleng Italy a kaihruai ang a, Torino-a a staff engemaw zat chu Italy national team-ah hian a chhawm rin a ni.